【本報訊】「喺隧道逃生嘅過程好漫長，初時煙霧迷漫好驚，又擔心再發生爆炸，無路可逃，覺得行極都行唔完，但濃煙散去個心就定番，20分鐘後返回地面重見天日嗰一刻，我知道終於安全啦！」昨日西鐵列車爆炸意外中，置身肇事車卡的朱小姐遭強大氣流「震」離座位，事後憶述負傷沿漆黑隧道逃生兩公里時猶有餘悸，她慶幸遇險能夠全身而退，晚上還能與男友度過一個難忘的情人節。
「真係覺得自己恍如災難電影中角色，個腦不停想，如果列車再爆炸會點？仲走唔走得甩……」幸好一切未有發生，在長沙灣貿易公司工作的朱小姐，昨晨如常乘搭西鐵由天水圍往市區上班，可是偏偏遇上意外。她表示當時身處尾二車卡，列車行駛中突傳出轟隆爆炸聲，一團火球冒出，強大爆炸氣流更將她拋離座位跌在地上，撞傷左手踭及右膝。
沿着燈光走出隧道
不過，她知道意外可大可小，逃生最重要，當車長停下列車開啓車門，她急急隨同其餘乘客一同步下路軌，當時大量濃煙撲入車廂，一眾乘客在煙霧及暗淡燈光下，沿着漆黑隧道展開兩公里逃生記。「當時自己行得好急，好想快啲走出隧道，但越急就越覺得路程漫長，嗰時覺得自己好似身處驚慄片《死神來了》般，我同自己講要同時間競賽！」那時她曾經致電家人及男友報平安。
「幸好其後濃煙散咗，加上有西鐵職員步下隧道引路，大家心情才平定下來」在漆黑隧道走了20分鐘，朱小姐終於來到隧道盡頭，她步上梯級返回地面，重見光明一刻，知道已經安全脫險。這時她才感到手腳傷處劇痛。
逃出生天的另一名姓歐陽女乘客稱，她和眾人奔出車廂時，在隧道內已嗅到大量焦臭味，且有濃煙攻過來，加上隧道內的照明系統燈火較暗，氣氛陰森，令大家都很緊張，她初時步伐走得很快，及至中途已見有工作人員協助，到真正離開隧道後，整個人才能舒一口氣。