李玟、官恩娜和薛凱琪（Fiona）等前晚一同演出音樂會，三位靚女對情人節的態度迥異。李玟有穩定男友，收賀卡已冧到爆；官恩娜自言有人約，但寧願全日工作；Fiona就更消極，打算與父母在家打邊爐，聲稱情人節沒人約也絕不出街。
李玟、官恩娜、薛凱琪和梁漢文等前晚在會展演出「新城唱好情歌音樂會」，只見李玟發福了不少，看來是情場得意，才會心廣體胖。昨日情人節，她表示男友正於印度公幹，趁前晚她開騷前送上情人節賀卡，李玟說：「佢叫我情人節當日先好拆，
唔求入豪門
Fiona則謂要逃避情人節，她選擇下午陪母親到街市買餸，晚上則與父母躲在家打邊爐，她說：「我好耐冇陪媽咪呀，又冇人約。」緋聞男友房祖名沒有表示嗎？她說：「真係冇，冇人送嘢畀我，尤其之前咁多假新聞，好多friend都怕咗我，我情願情人節留喺屋企，費事同邊個出街都有錯誤情人。」之前有相士指Fiona會在今年內嫁入豪門，她說：「冇可能，我要相處長時間先可以一齊。」或者對象是認識已久的人？Fiona此地無銀，馬上表示與祖名只屬朋友，她說：「我結婚嘅話，豪唔豪門唔緊要，最緊要開心，錫我就得。」
怕惹來誤會
官恩娜表示情人節全日要做媒體專訪，時間都用在工作上，哪豈不失卻情人節氣氛？Ella說：「頭先表演時做舞台劇，話我暗戀方大同，有晒浪漫元素啦，我媽咪、朋友同家人咪係我真情人囉，其實我入行以嚟都慣咗一個人。」不過Ella謂也有人約她在情人節外出，只是她不想誤導別人，以為雙方有發展可能，她說：「我唔知對方係咪對我有意思，最怕答應咗會令個男人誤會。」問到緋聞男友吳卓羲可有約會她？Ella似被點死穴一樣，只嘻嘻笑了兩聲，然後說：「我希望多啲工作，有乜緊要過工作呢？拍拖好次要。」
採訪：駱華齡
攝影：林德雄
