楊崢早前到法國波爾多拍攝無綫節目《我愛葡萄園》，訪問當地酒莊，節目將於27日播映。楊崢到達當地後要即時趕去酒莊拍攝，一去到現場便翻箱倒槓整頭化妝。問楊崢此行可有艷遇，她說：「艷遇就冇，不過去到TroplongMondot酒莊時，咁啱有消防員去咗救火，佢哋見我係亞洲女仔，話我似公仔，拉住我影相，佢哋都OK高大㗎，而且着住制服都幾有型。」
其後Chanel的酒莊莊主RauzanSegla，又送了Chanel的最新香水給楊崢，她說：「莊主好似辛康納利，佢知我喺巴黎行過Chanel騷，拍過產品嘅廣告，我以為佢會送紅酒畀我，估唔到送咗支香水畀我，仲啱我用。」
撰文：林妃