毛舜筠（毛毛）、2R、林子萱和許懷欣夫婦等，前晚在機場的4D超立體巨幕影館出席《莎樂的神奇網網》的首映禮，2R特別來捧場，原來她倆讀中學時，從課本上讀過這故事，所以特別有親切感，胞妹Race說：「我以前睇書都會喊，所以今日乜都冇帶，淨係帶定紙巾」。問到可會回新加坡過年時，胞姊Rosanne說：「我哋會叫爹哋、媽咪嚟香港一齊過年，因為香港有好多桃花，仲可以行花市。」
獨自過情人節
今個情人節，毛毛就比較慘，要一個人留在港，她失望地說：「老公喺上海做嘢，每逢周末先至可以返嚟同我哋一家人團聚，原本我係想返去上海同佢一齊過情人節，但冇晒機位，我都係第一年因為交通問題，唔可以同老公一齊過情人節。」問她準備送甚麼禮物給老公區丁平？她笑說：「我冇諗住送禮物畀佢，梗係佢送畀我啦！」
採訪：藍文浩
攝影：陳順禎
