新正頭，好多愛車之人都會揸部心愛座駕，去洗車屋洗白白兼打蠟，之但係一個Threatment套餐通常搞成兩、三粒鐘，話長唔長話短唔短，呢段時間點打發好呢？唔使愁，皆因家陣有間洗車屋，除咗洗車服務夠專業外，仲設有全城至好玩嘅豪華休息室，專畀客人「Hea喝玩樂」甚至竹戰，兩粒鐘打番四圈啱啱好！
記者：周達之
攝影：陳盛臣、譚盈傑
模特兒：Chimpy
年廿八，當然唔止屋企要洗邋遢，今日《蘋果》就走勻港九各區，為大家搵嚟幾間手勢一流嘅汽車美容中心，等大家執番靚架愛驅過新年！當然唔少得屈吓佢哋送啲着數畀讀者，睇中邊間毋須剪報紙咁麻煩，拎住本版去同服務員講就得！
遊艇漆面保護蠟
位於火炭嘅呢間專業汽車，對汽車美容服務素有口碑，好多客由港九遠道入去，當然唔止貪佢個「Hea竇」啦，以最熱門嘅打蠟服務為例，專業汽車提供了連遊艇都用嘅漆面保護蠟，來替客人打蠟，遊艇每日出海日曬雨淋，所採用嘅蠟一定有番咁上下襟，家陣用喺汽車度，保護能力有幾強就可想而知。
免費任玩Hea到夠皮
新年流流幫架愛驅大執，兩、三粒鐘真係走唔甩，唔通真係憨居居喺度等？好彩呢度有間成千呎嘅娛樂休息室，客人可以喺入面上網、篤波、唱K、打彈珠機甚至搵齊腳竹戰四圈，玩意應有盡有，最重要係除咗叫嘢食叫嘢飲外，所有娛樂設施完全免費任玩，唔單止等洗車包兩粒鐘好易Hea，若係篤波打牌更係值回票價！小記同Model、攝記一行人做完嘢影完相，都情不自禁篤番兩Q士碌架、唱番兩句K先走人，果然夠Hea！
《蘋果》讀者有着數
遊艇用漆面保護，再加三重水晶蠟、蒸氣清潔內櫳及皮革護理。
原價：$1,568
蘋果優惠價：$1,150
註：優惠期至2月28日
查詢：專業汽車（22199833）
地址：火炭山尾街31-35號華樂工業大廈2期9號地下
營業時間：8:30am-7:30pm、假日10:00am-6:00pm
註：初一收爐、初六啓市
防火玻璃保護層
要保持汽車亮麗，除打蠟之外，亦可試試佳亮汽車美化中心新推出嘅「Glare玻璃質車漆」，同打蠟唔同，玻璃車漆的原理就好似在車身鋪上一層玻璃，而玻璃車漆會同原油漆分子融合，成為油漆的一部份。好處係令車身表面難以黏附塵埃污垢，只需用清水一抹就即刻令架車閃亮番晒，亦唔怕雀屎或酸雨侵蝕，兼且可防97%紫外光，令車身無咁易變得暗啞。玻璃質車漆設有18個月光亮保證，即係用一次就年半都唔使再打蠟！
《蘋果》讀者有着數
Glare玻璃質車漆處理，再加Glare修復微痕護理、專業蒸氣車廂消毒、AntiBac2K空氣淨化、全套專業人手洗車。
1,700c.c.以下房車：
原價$3,188
蘋果優惠價$1,888
6、7人車類特別車種
原價：$3,388
蘋果優惠價：$2,688
註：優惠期至2月28日
查詢：佳亮汽車美化中心（25678345）
地址：鰂魚涌康怡廣場停車場五樓
營業時間：8:30am-7:30pm、
假日10:00am-8:00pm
註：初一收爐、初七啓市
超晶亮閃足一年
NTI推出「OG高溫四重水晶打蠟」，佢哋會先徹底起晒車身污迹，再以水晶蠟來填補疤痕，令反光度一致，然後以深層水晶蠟做底層的拋光研磨，再塗上極品水晶蠟令車身更晶瑩，最後就用頭髮絲1/500咁幼的纖維塗上閃亮蠟，令車身閃閃亮，效果仲可維持長達12個月。
《蘋果》讀者有着數
OG高溫四重水晶打蠟（PremiumPlan），再加電腦洗車（PlanC）及黑金剛輪胎護理。
原價：$2,130
蘋果優惠價：$980
註：優惠期至2月28日
查詢：NTI快速汽車護理（25122193）
地址：銅鑼灣威非路道18號
萬國寶通銀行中心地下
營業時間：9:00am-6:00pm
註：新春照常營業
老師傅徒手起垢
歐亞屬車房老字號，師傅出名手勢好，雖然有電腦洗車服務，但只係輔助性質，因為佢哋相信洗車去迹，一定要老師傅人手做先夠仔細！打蠟用料方面，佢哋採用沖蠟脂類中，反光度及硬度最高的巴西樹脂（Carnauba）為原料的Zymol極品車蠟，硬化後有如石粒般堅硬，對漆面有極大保護作用。
《蘋果》讀者有着數
老師傅人手起迹上蠟（包電腦洗車、車廂清潔、人手起迹、去花痕及使用Zymol極品車蠟。
原價：$2,500
蘋果優惠價：$2,125（2,200c.c.以下）
註：優惠期至3月31日
查詢：歐亞汽車服務（29514005）
地址：觀塘偉業街133號A地下
營業時間：8:00am-8:00pm
註：初一收爐、初六啓市
