終於嚟到試車嘅日子，晨早6時半就同班行家食早餐，準時7時半揸車出發，諗番都真係好耐無試過咁早起身，如果唔係手機個鬧鐘夠大聲，睇怕都係會繼續瞓落去，哈哈！
可惜天公不作美，無論係我哋食早餐，定還是攞車出發嗰陣，天色依然灰灰暗暗，仲要久唔久就灑場雨㖭，情況真係令人擔心；但當我哋去到Offroad場地嗰陣，情況卻有180度轉變，停雨之外仲開始放晴，正！將車慢慢駛入Offroad場地，只知輪胎已被路上的泥濘啜實，車子亦跟隨左右兩邊擺，我只好用力握實軚盤嚟控制去向，對我呢個越野初哥嚟講，的確係有一定難度，途中更陷入泥中動彈不得，要同行行家幫手先可以脫險！
離開險境續往前行，都係繼續要面對一條又一條難行嘅越野路段，最後將車停落嚟拍攝時，先發覺部車內內外外都滿布泥濘，睇落好似參加完達喀爾越野賽咁，感覺好新鮮，不過就辛苦咗一班清潔工人洗車囉！
記者、攝影：鄭達基