上星期有環保團體表示辦公室棄置Printer碳粉匣情況令人關注，其實我不明白調查怎樣做，因為各大公司的秘書和Admin.都爭着處理這個「油水位」。好像我，平均月賺$400，點會捨得唔要個碳粉匣喎，Printer根本就是個寶藏。
我是全公司最環保的秘書，每天跑上跑落，主動檢查各部門碳粉盒是否用完，原因很簡單，每個匣回收$40（環保牌子只收$5），部門有20部機，平均2個月換一次，我就有$800額外收入。
碳粉匣買賣都有着數
很多人問：「咁用環保碳粉匣好？定係原裝好？」秘書角度，邊個多着數咪用邊個囉。其實，環保牌價錢比原廠平40%或以上，以HP為例，原廠$540，環保牌$320；雖然環保牌又平又抵用，但品質控制差，有時候會有漏粉情況，但公司重質量多於價錢，所以多會訂購原廠碳粉匣；而大廠如EPSON、HP等怕流失客戶，相應推出很多Promotion，如抽獎、積分等。以EPSON為例，一個碳粉盒有500分，2,000分就可換$20麥當勞禮劵，加上抽獎、積分換領等都貼在每個盒面，換分程序簡單，直接寄給我，不怕Admin.抽起；換出來的舊碳粉匣，又可賣錢，Printer對秘書來說，真的長搵長有。
留意喎，自動上門回收碳粉匣的公司，價錢分分鐘少70%，要多賺一點，就要自己做黃老太，睇價錢先Call上門。
文：林愛雯
Bytheway
環保牌碳粉匣的利潤相當高，$5買入空匣，入粉後以$320賣出，為鼓勵回收，回收商互相以高價爭客，但由於大公司的回收工作，多會由Admin.部門管理，更涉及大量金錢交收，為方便部份Admin.將錢私有化，「入袋唔入數」，回收商更推出超級市場現金券代替金錢，「下欄」越多，就越多人主動支持環保。
你會想：「碳粉匣咁值錢，回收電腦咪仲多？」錯，林愛雯說最頭痛就是扔掉電腦。「公司的電腦只以文書工作為主，沒有高階硬件，根本不值錢。唉，叫清潔阿姐來收，她們會問好勁咁問：『有無冧（Ram）㗎？』原來一條Ram值$20，即$20抬一部，無Ram就唔肯搬。」
文：男編輯