新創建旗下僑樂房產服務集團，為迎接豬年，銳意強化業務之外，連公司用咗好多年嘅標誌都轉埋，唔知係想轉轉運，定係想打造全新品牌呢？
僑樂來頭唔小，係一家業務多元化嘅地產公司，除本港外，營銷網絡滲透內地16個主要城市。自1972年成立以嚟，曾參與嘅物業代理同市場策劃項目，總值高達300億元，攞過05年廣東管理質量大獎，上年又攞埋香港工商業獎㖭。
另外，該集團有份管理嘅北京豪宅麗宮別墅，引入「世界金鑰匙」理念（圖二），提供一條龍優質管理，包括替客人訂房、專車安排同餐廳訂枱等。唔怪得公司嘅新logo都用埋呢個金鎖匙概念啦！
[email protected]