南美足球出名黑幕多，05年就有多場巴甲，因球證卡華奴事後承認曾接受賄款影響賽果，被勒令重賽。日前巴西就有兩名球迷因呢件事，就門票及車費等支出，成功向足總索取730歐元（約7,300港元）賠償！我求大俠收到行家堅料，呢壇嘢或引起「蝴蝶效應」，𠵱家陸續有球迷入稟，要求足總賠錢，後者隨時破產都唔掂呀！