蘇玉華同男朋友潘燦良（左）喺銅鑼灣恩愛拖手行街，噚日佢接受商台電話訪問，話情人節會同男友一齊整嘢食慶祝，佢話：「我好鍾意情人節，要趁情人節表愛意。雖然拍拖13年，佢冇送過花畀我，但知道佢愛你咪得囉！」問蘇玉華對方有冇向佢求婚，佢話：「開始諗吓啦！我都有向佢提過，佢話睇吓點先喎！呢排幾好，覺得可以做呢樣嘢。」