王晶點解會走咗嚟財經版？呢位曾被譽為香港最高累積票房嘅導演，今時唔同往日，啱啱做咗殼王旗下漢傳媒嘅執行董事兼董事總經理。漢傳媒噚日出咗張通告，宣布委任王日祥為執行董事兼董事總經理──呢位王日祥咪係王導演囉。
王晶昔日揸導演咪，拍過《精裝追女仔》、《賭神》及《古惑仔》等多部戲，當中有爛有唔爛，總之數量驚人，卒之成為香港最賺錢導演，後來仲做埋出品人㖭，家吓連上市公司揸fit人都做埋，都算平步青雲啦。
每年180萬酬金
今年52歲嘅王晶，做咗執董後，將會每年攞到180萬酬金，以及漢傳媒旗下劇王朝賺得嘅25%年終花紅。舒舒服服開會就有近二百萬入袋，好過拍片啦。
[email protected]