無論樣貌、身材都是絕配的名模情侶Mikki及Sunny，早前宣布08年會結婚，今日兩人起程往上海，提早收爐過農曆新年。早前Mikki炮製家鄉美食八寶飯，以廚藝箍實男友。問Sunny08年是否一定娶Mikki，他肯定地許下承諾。
名模姚書軼（Mikki）與男友Sunny拍拖6年，今年踏入愛情長跑的第七個年頭，面對七年之癢這個大關口，Sunny拍心口揚言08年迎娶Mikki。
妙法箍男友肚皮
趁着今年情人節，Mikki出盡百寶炮製拿手的上海家鄉名菜八寶飯及湯圓，以最美麗的煮飯婆形象，煮住家飯給Suuny作情人節禮物。
拍拖以來的情人節Mikki未收過花，今年終於收到Sunny送的百合花。接受訪問時，Mikki發嬌嗔說：「情人節，我從未收過花！」在旁的Sunny即時反駁：「我平時都有送花，係情人節冇送至真。」
問Sunny為何遲遲仍未迎娶Mikki，他老實地說：「我哋做模特兒呢行唔係太穩定，有時唔知聽日會點，所以我𠵱家都半轉行，希望收入可以穩定啲！」Mikki也說：「我都希望佢可以穩定啲，女人始終想嫁人，同埋對方能夠畀安穩嘅生活我。」
溝通止七年之癢
早前Mikki曾透露明年好事近，問Sunny屆時是否一定娶Mikki，他肯定地說：「08年會啦！」面對七年之癢，他倆坦言「冇有怕」，認為溝通最重要，Sunny笑言：「痕就去止痕啦，搽止痕膏就OK。」
Sunny今天會與Mikki起程到上海過農曆新年，他說：「其實呢幾年我哋兩家人都一齊去上海，我屋企人一齊去㗎！」Mikki也坦言對Sunny此行會否向其家人提親不抱期望，惟有寄望明年今日有好消息。
採訪：GeneNg
攝影：EdwardChou
化妝、髮型：KennethWong
場地：紅雙喜（中環士丹頓街）
鮮花：TiffannyFlowers
