近年金魚缸又再人頭湧湧，即時股價資訊嘅需求自必然上升，之不過，早排港交所至話過免費冇得傾，縮短時差就可以考慮。
噚日，華華慣性遊走去港交所個網，睇吓有咩好嘢，竟然發現佢哋個首頁已加多咗H股指數即時走勢、期指及H股指數期貨成交合約張數最新數據。
唔止咁樣，響投資者服務中心欄內，仲提供埋各類期貨、期權同即日圖表，雖然呢啲資料仲係有30分鐘時差，之不過，已經算係一個進步。
咁可唔可以再縮短啲個時差呢？佢哋個署理集團營運總裁葛卓豪話ok冇問題喎，咁大家就姑且用住先啦。
[email protected]