雖然香港空運貨站不停話現有設施起碼夠用到2013年，但佢個客仔UPS就唔係咁睇。UPS香港及澳門區董事總經理梁國基噚日同華華食晏時話，估計本港速遞貨量未來幾年每年都有10至15%增長。
UPS租緊香港空運貨站嘅速遞中心5萬平方呎樓面，每小時最多可處理6500件貨，下半年加多一條輸送帶，處貨量加到7500件。按貨量增長情況，梁經理估計，3年後唔夠地方用，要考慮喺市區租多個地方處理貨件。
連UPS都覺得地方唔見使，香港的確需要第3個空運貨站，梁國基亦舉手贊成。市場多個競爭者，用家先有議價空間嘛。咁啱得咁蹺，UPS同香港空運貨站嘅十年租約出年到期，UPS應該捉緊機會傾個優惠啲嘅租約啦。
[email protected]