以和牛做日式鐵板燒或韓燒就聽得多，用嚟打邊爐真係好少有。引入上海食府王家沙的寶哥，最近開設以和牛做主打的火鍋店，且以平過出面零售價推出。寶哥更特別優惠《蘋果》讀者，將霜降和牛、大蜆、海中蝦和四寶丸都特價發售！優惠期只限今明兩日，想食又平又正嘅嘢要即刻行動！
記者：林思樂
攝影：何家亮
寶哥味廚重質不重量，款式唔多，唔講花巧，講求原味同真味，選料只用靚貨，唔似任食火鍋質素參差。火鍋最受歡迎的一定係肥牛，寶哥就以最頂級的M9-M12澳洲和牛做主打，仲以$138震撼價發售，「因為我哋同供應商關係良好，可以用平啲價錢入到高質材料，呢個價錢仲平過零售價。」
雪花肥牛粒$100
和牛粒同屬澳洲M9-M12級別，油花分布均勻，肉質特別嫩滑，是切片用剩的邊位，不計成本大平賣。
精選和牛腩$60
同是澳洲和牛腩片，隔晚以蘿蔔、粟米清湯燜好後雪凍，腩片夠厚身，一淥即刻變軟滑，而且仲好入味㖭!
招牌炸魚角$35
寶哥聽聞有位婆婆做潮州魚角手勢一流，後來請到阿婆幫手，所以魚角零舍有家鄉風味，而寶哥吩咐要用多啲魚肉，所以更綿滑。
必食超值4寶
1.頂級霜降和牛
市價$300/300g 四五折$138/300g
級數達頂級的M9-M12，油花細密均勻，打邊爐比鐵板燒更能保留油香和肉汁，記得用淡湯底，不會掩蓋和牛的肉味。
2.波士頓大蜆 原價$120 八三折$100
於美國波士頓入口，扇貝帶子有咁大隻唔出奇，但呢隻是如假包換的蜆，平均重1公斤，切成薄片一淥即食，非常爽口！
3.海中蝦（半打）原價$96 半價$48
海中蝦大大隻夠新鮮，上枱後蝦腳仲郁郁吓，近排市價約$96/6両（約6隻），現半價發售，售完即止，必食！
4.鮮四寶丸（8粒）原價$38 六五折$25
「出面好多人整鯪魚滑會落大量澄麵同生粉，食落爽啲，但對腸胃不好，所以我哋只落好少粉。」鮮蝦丸和墨魚丸分別用新鮮海蝦肉和墨魚肉打成，豬肉丸的肥瘦肉分開切，肉質更均勻。
現場直擊個案
採訪當日剛巧遇劉太與蕭太，2人不停話好抵，心諗你哋係熟客仔梗係乜都話好，一於睇吓佢哋食緊乜，來個大起底，究竟係唔係咁抵先！
劉太蕭太餐單
最後埋單比起原價和市價平咗一大截！雖然每人$237同一般火鍋店消費差唔多，但質素就差好遠喇！
睇路搵食
寶哥味館（23301979）
地址：紅磡民泰街71-73號地下
營業時間：暫時只有晚市5:30pm-2:00am（初三啓市後開始設午市）
座位：約100個