正當一班傳媒想趁Lunch後嘅空閒時間，出Town逛逛Shopping吓之際，天色卻突然變黑，兼且仲要行雷閃電落大雨，搞到成班人最後只可以喺酒店入面蕩嚟蕩去，實在悶得緊要。
不過講就係咁講啫，如果唔係多得呢場雨，我又點會喺試車前可以率先目睹呢架新款VolkswagenTouareg吖！未嚟突尼西亞之前，我仲以為部車只係Facelifted咁簡單，但原來新車已經係第二代嘅出品；雖然部車嘅線條望落同舊嘅好似樣，但換晒新Design嘅頭燈同鬼面罩之後，登時惡形惡相好多，睇嚟我哋聽日揸佢出去試車嗰陣，肯定去到邊都會有人眼望望，點解？因為部車實在太型喇！
記者、攝影：鄭達基