「大家覺得邊個地鐵站最靚和最特別？」有網友前日在高登討論區提出問題，「我好多地鐵站都係近排先睇過（月台），覺得港島線嗰啲靚好多，個人覺得香港站最靚和最特別。」網友反應熱烈：紫色的筲箕灣站、最空曠的柴灣、地洞夠大的太古、月台設計寬敞舒服的青衣、灰色神秘的上環站均有網友選擇。
對於有網友選欣澳為最靚最特別的地鐵站，一枝棒並不認同，「欣澳？夏天曬到嘔！」另一名網友提議荔景，但憨人就接着道：「荔景？好憎。次次等到出晒汗都冇車到。」戰隊一號質疑「吓？有冷氣㗎喎！」憨人說：「有冷氣都出汗，因為勁耐先等到一班車，會好不耐煩。」
北村健則走出車站的範圍說：「九龍灣經牛頭角到觀塘這一段最靚，可以睇到最正嘅風景。」另一網友則說：「欣澳至東涌的風景都唔差。」有網友稱：「點解無人講吓彩虹站嘅？佢都唔錯呀，色彩繽紛。」不過，部份網友卻「九唔搭八」地指出「彩虹站有彩虹，鑽石山站有鑽石，咁炮台山係咪有炮台呀？觀塘有冇塘呢？坑口有個坑呀？荔枝角有冇荔枝食？」