豬年又到，唔知大家有冇諗過趁豬年生番個金豬仔呢？若果大家仲未行動，唔知仲趕唔得切，但係做服裝零售嘅堡獅龍（Bossini），就經已plan定喺過年後生喇！噚日仲特登send咗份食得嘅邀請函畀華華㖭；點為之食得？咪係一份新鮮滾熱火辣嘅豬腳薑囉！
話說堡獅龍會喺農曆新年後推出新嘢，所以搞搞新意思，send份豬腳薑兼邀請函嚟賀一賀；雖然未確實知道詳情，估計都不外乎係新品牌或新系列。不過，堡獅龍嘅公關大員死都唔肯講到底搞乜東東，只肯講嗰日新嘢會同十位喺立春後出世嘅金豬BB一齊亮相喎。
嘩！十位BB即係十隻白白豬！咁鬼可愛，諗起都想見吓。之前堡獅龍出咗個大富翁系列，𠵱家又出個唔知同豬有冇關嘅新嘢，咁結果會唔會係出大富翁crossover金豬嘅產品或系列呢？
[email protected]