陳冠希（Edison）雖然現年才26歲，已當上行政總裁，昨日他宣布與林建岳合作，投資過千萬成立娛樂公司。岳少笑稱Edison萬大事有黃秋生孭，又指導演劉偉強願意免費拍幾部戲，難怪Edison牙擦擦表示今次誓要賺取更合理回報！
陳冠希曾揚言要搵夠1.5億港元迎娶女友Vincy，隨着他宣布成立新娛樂公司，又向這目標邁進一步。昨日Edison與DJTommy、陳奐仁等在中環某酒店宣布成立一間名為ClotMediaDivision（簡稱CMD）的娛樂公司，專責製作唱片、電影及培育新人，Edison更成為公司的行政總裁，而CMD合夥人林建岳則率領兩位愛將：導演劉偉強及Edison契爺黃秋生到場力撐。
追求合理回報
Edison表示：「我哋嘅出現唔係要殺死其他公司，而係想有多啲另類選擇。離開英皇之後已經兩年冇簽唱片公司同出唱片，因為唔想浪費心機，而每隻碟收幾蚊。」Edison笑言這次投資千萬搞公司，希望能賺取更合理回報，還透露已簽了兩名有潛質藝人，他笑說：「我哋啲合約會合理啲、好啲，而且知道佢哋要啲乜嘢。」
合夥人之一林建岳被問到為何對Edison如此有信心時，即打趣謂有秋生和劉偉強做擔保，又說：「Edison有乜嘢事秋生會孭，話晒佢做人契爺，劉偉強就免費拍幾部戲囉。」對於有報道指旗下愛將鄭秀文為免與新加盟的楊千嬅碰面，遂更改飛往加拿大的行程，岳少未有正面回應，只謂當日還有很多航機飛往當地。
採訪：何永寧
攝影：陳志嵐
