雖然鄭錦昌是70年代歌手，但仍十分留意現今樂壇，他說：「我比較鍾意陳奕迅，佢唱法好循規蹈矩，唔似某啲歌星唸口簧咁；填詞人我就比較欣賞林夕，佢啲詞好靚，如果有機會都想試吓同佢合作。」
個個唱有比較
70年代樂壇十分流行唱別人的歌，例如同一首歌經常有不少歌手拿來灌錄唱片，鄭錦昌說：「以前冇版權可言，邊個唱都得，相比之下，𠵱家社會對作曲作詞嘅人保護好多。不過，喺呢個制度下，一首歌嘅流行程度就會差好遠，好似以前有啲歌，明明唔係咁好聽，但個個都唱，就有宣傳之效；個個唱法唔同，就要睇吓邊個有實力、邊個唱得好，啲人就會買邊個嘅唱片。」
另外，於本月21及22日、鄭錦昌將在香港大會堂舉行《鄭錦昌金曲賀新春演唱會》，問會否試唱時下流行曲時，他笑說：「叫我唱𠵱家啲歌，我肯定識唱，但唔同年代，唱腔同味道都唔同，畀我呢種年紀唱會唔好聽囉！」