中國為咗喺08年北京奧運爭取佳績，有不明文規定禁止「重點」運動員談情說愛。不過，中國網壇「1姐」李娜就例外，佢原本擔任湖北隊教練嘅老公姜山，近期獲調入國家隊擔任助理教練，主要工作就係指導李娜，即係可以兩夫婦齊齊出外比賽囉，咁樣優待李娜，中國網協解釋係要俾「1姐」減壓喎，但厚此薄彼，有欠公平啫！