上周六英冠列斯聯贏水晶宮2:1，但原來場波有大把手尾跟。據列斯聯領隊韋斯講，佢有位隊員喺賽前竟將球隊嘅出場名單畀水晶宮睇，搞到呢位領隊扯晒火。不過韋斯冇講到係邊位球員，但就話明以後都唔會再用佢。最後單嘢傳到去職業足球員協會，而會方仲話事態嚴重，講明會插手調查喎。究竟列斯聯邊個最似二五仔呢？