「俾鬼壓」究竟真係有百厭鬼搞搞震，定係精神緊張呢？睇法見仁見智，不過原來唔少網友都有「俾鬼壓」嘅經歷，而且對於點樣預防或應付呢啲緊急情況都幾有心得。睇一睇，招式真係千奇百怪，例如放啲會發光嘅嘢喺床度、咬破中指用血或用尿驅鬼等等，不過話明俾鬼壓，根本全身唔郁得，咁點咬破中指呀！不過都有個簡單嘅預防方法，就係「打側瞓」！其中bees話自己以前住舊樓，晚晚俾鬼壓唔郁得，只係聽到耳邊有好多雜音，結果要用盡全身氣力掙扎同睜開眼先無事，後來佢學識打側身瞓就無再試過。raymond1127亦話佢會盡量搖頭，令控制身體活動的神經盡快蘇醒，跟住就打側身瞓！招數work唔work？希望大家都用唔着啦！
記者：小雲
網址：www.meoow.net/viewthread.php?tid=15035