周日啲波算正路，但對鍾意玩亞洲盤嘅球迷真係激餐死，因為有歐聯後顧嘅球隊大多數贏波輸盤。周日嘅AC小勝利禾奴2:1、阿仙奴又係贏韋根1粒；德甲嘅拜仁早段就有馬卡爾先開紀錄，以為可以反底大炒，點知又係企到尾贏比勒費爾德1:0；荷甲榜首嘅燕豪芬仲只能打和鹿特丹斯巴達㖭！再睇上周六嘅里昂又係小勝，歐聯後顧真係要信。