田亮北京別墅早排失竊，唔見咗小量值錢物品。根據噚日搜狐網報道，警方日前巡邏時，發現可疑男子王洪彬，見佢啲衫好破舊，但手上戴住隻靚錶，於是去佢屋企調查，結果搵番田亮被偷嘅物品。王洪彬話事前唔知係田亮屋企，直至入到屋內見到田亮啲獎牌同相，先知係田亮間屋，佢仲話冇攞到啲獎牌，係因為呢啲嘢賣唔出喎！