為迎接情人節來臨，楊思琦、蒙嘉慧（YoYo）與名模AnaR.，昨日化身柯德莉夏萍在旺角新世紀廣場演繹新款鑽飾，YoYo及思琦雖然各有另一半，對於將會如何度過佳節仍然保持神秘。
YoYo表示從未收過一份刻骨銘心的情人節禮物，不過於收禮卻着重誠意、心思多於貴重，即使收汽水蓋同樣開心，完全是有情飲水飽。今年她與男友鄭伊健首度情人節，會否期望「誠意」出現，YoYo說：「冇期望就冇失望，咁樣做人會開心啲，情人節會象徵式買禮物，希望大家留啲空間畀我。」
思琦提男友封口
至於會否與男友一起共度浪漫日子，YoYo則賣關子表示：「好遙遠嘅地方，又未到，唔知㗎。」湊巧伊健正身在內地工作，難道她會親身到內地探班順道慶祝情人節？
此外，一向愛把男友李永豪掛在口邊的思琦，被問到情人節如何度過時，卻突然低調說：「唔講啦，我哋各有各忙，嚟緊我會同朋友去旅行，新年都唔會喺香港過。」口風突變令人揣測她和男友情變，但思琦只說：「唔答，大個女學識工作為先，唔可以成日將愛情掛喺口邊。」
採訪、攝影：卓寶花
