仲有約一星期就到農曆新年，相信大家正密鑼緊鼓辦年貨。前幾日見到大班新推出咗幾款特別年糕；和式綠茶撞馬蹄、傳統薑汁配甘薯，還有滋補甘栗配桂花等糖水組合整成新鮮年糕，夠特別！
文：朱崇德 攝：陳盛臣
綠茶馬蹄糕 $55
馬蹄本身味清帶甜，加入清濃馥郁的日本綠茶末，茶香味馬上出晒嚟！唔慣者會感覺有點日本茶獨有的茶青味，不過以油鑊輕煎，滿室清香，入口唔油膩，比傳統馬蹄糕口感更有變化。
薑汁甘薯年糕$55
辣辣薑汁混入年糕，薑味可去除年糕油膩感；中間放上日本金薯，令傳統的年糕加入了有如芋頭糕的「粉粉」口感！
甘栗桂花糕$55
清香的桂花撞年糕！別出心裁係加入栗子的甘香口感！建議最正係香煎熱食，半溶的年糕包着粒粒的栗子，香口到痹。
大班麵包西餅有限公司（23971229）
地址：旺角快富街25-27號地下（旺角地鐵B2出口）