一條石橋牌新胎，使唔使改個POTENZARE001Adrenalin水蛇春咁長嘅名呀？梗係要啦！因為胎廠要令人對新胎印象深刻，開始忘記舊有的運動輪胎POTENZAS03。POTENZARE001特別採用不對稱花，可同時做到既舒適、Sporty又有絕強抓地性的效果。早前老遠飛到羅馬石橋車胎在歐洲的研發中心，親身試過這條還未上市的新胎，終於明白何解新胎要加上Adrenalin（腎上腺素），因為RE001無論配在任何型號的車上，那種穩定而又Sporty的感覺，真的可以令人腎上腺素飆升！
記者、攝影：黃婉冰 部份相片由官方提供
查詢：同成有限公司（25256313）
鑊形跑道刺激過打機
老遠飛去羅馬試條新研發車胎，初聽落真係感到匪夷所思！石橋胎當然有其用意，全因新胎POTENZARE001Adrenalin由設計到製作，都是在位於羅馬的歐洲研發中心進行，在這個先進的研發中心內，設有最新的設備配套，用來評估車胎、汽車而設計的專用測試跑道等，在車胎誕生前，車手都會透過每圈超過4公里的高速跑道來進行測試，任何細節均可慢慢作出改良。無可否認，在這裏試新胎，讓我們可毋庸顧慮速度上嘅限制盡情飛奔，感受這條經過重新改良的新胎。我咁大個女都係第一次親身感受到呢條鑊形跑道240km/h嘅高速感，最外圍跑道仲係向左傾斜起嚟，嗰種成個人側晒嘅感覺真係刺激過打機！
舊胎
新胎
不對稱坑紋 咬地力強
有名俾你叫高性能運動輪胎，顧名思義最適合放在跑車上，但經過日本、意大利兩國合力研製下，PROTENZARE001作了多方面改良，新胎最大的特點，亦是其賣點，就是除跑車外，即使將它放在房車、車仔等任何類型車種上，在任何的速度、路面下依然可以發揮出靈敏、穩定、舒適的高性能表現。
新胎特別採用上4組不對稱坑紋，中間兩條條狀坑紋可有助提高靈敏性、穩定性，尤其在高速駕駛時做到最佳的制動力。另一邊的角形條紋則可提升直線行駛時循迹性，就算遇上不平路面，亦可以將跣胎的情形減到最低。
親身試過POTENZARE001和舊胎PROTENZAS30，新胎除較低胎噪外，在高速入彎、駛過濕地時，其抓地能力亦明顯比較強，尤其是當坐在高性能跑車上，以過百km/h高速駛過濕地時，舊胎S30明顯出現打滑情形；相反，新胎PROTENZARE001穩定性就強得多，即使沒開着ESP系統，濕地表現依然穩定，可見其強勁的「咬地」能力外，亦足見其反應之靈敏。新胎預計在今年3月正式在全球各國推出，型號分別有35-55等不同系列、共33種不同Size供選擇，想幫愛車配番條咬地新胎，等多陣啦。
