陳冠希（Edison）昨日出席與陳奕迅（Eason）和郭偉亮組成的「凸」音樂團音樂會記者會，又發揮其壞孩子本色，將大會貼紙貼在下體，大講有味說話自誇「下面」最凸，要Eason即時為他解釋表示他指的只是腳趾。
陳冠希、陳奕迅和郭偉亮首度合作組成的凸音樂團將於下月13日舉行音樂會，昨日三人以凸的組合名義到黃埔出席「903黃金組合音樂會．第二隊黃金組合──凸」記者會，擔任音樂會音樂總監的Jerald也有份出席，大會更送上以他們肖像為封套設計的懷舊黑膠唱片作紀念，四人看到封面的造型時，也禁不住即場爆笑。
由於今次三人的組合名為凸，故Edison昨日率先發揮凸的意念，將大會貼紙貼在下體敏感位置，似乎有意凸顯其凸出部位。
話凸住上台
曾揚言最喜歡的運動是做愛的Edison，在接受訪問時也大講有味說話，表示到時會凸住上台表演，並自誇下面最凸，但他就沒有明言所指的下面是那個部位，令在旁的Eason只好急急為他補鑊說：「下面，我知佢二趾長過公，佢講佢啲腳趾。」
Eason也對組合改名凸解畫說：「我話興奮就凸，做show都興奮，所以凸字啱我哋四個人，到時仲要凸住嚟睇，女仔都可以眼凸凸嚟睇，又可以核核突突，總之最緊要開心啦，到時仲可能會有一個意想不到嘅神秘嘉賓㖭。」
港歌手齊集
問Edison屆時其女友Vincy會否來欣賞時，他說：「我唔知，希望，唔知佢到時喺唔喺香港。」Eason則笑謂到時全香港的歌手都會來欣賞他們的演出。
採訪：駱華齡 攝影：陳偉權
