有散戶問星俠，點解看淡滙控（005）？其實看淡滙控非因其管理層公開「認錯」或撥備大增。事實上，恒指成份股自納入H股後，滙控所佔比重越趨下降，代表操控指數升跌的炒家和基金，今後毋須一定要買重「大笨象」，換言之只是簡單的「供求」問題。炒指數或玩套戥毋須再依靠滙控，試想對滙控股價有何影響呢？中移動（941）亦有類似情況，所以星俠不時強調港股生態早已改變，散戶不應再用舊思維去面對新時代。
牛市表徵之一，是「仙」股普遍翻生，散戶「唔炒唔安樂」。今年初，星俠曾揚言細價股必成年內焦點，最近不少二三線股升勢飛天，但散戶炒細價股不宜去得太盡，最好採短線策略，不管贏輸都要嚴守止賺及止蝕位。
由股價看，銳意轉型的深圳科技（106）肯定極對散戶胃口，上周五收3.1仙，師奶、阿嬸掃貨都可以好口爽地以「球」計掃入。
近期動作多
深圳科技去年底斥資逾6000萬元，收購透過多家附屬公司持有包括北京房地產物業Twente餘下的51%股權後，傳聞又有意收購一個位於北京的酒店連商場項目。
深科明日合股，20合1，似是為引入基金而鋪路。深科近期股份成交漸增，可趁細價股有勢跟炒一轉。