以前去外國試車，地點多數係歐洲又或者係鄰近我哋嘅日本，但今次測試新款VolkswagenTouareg之行，廠方卻揀咗北非的突尼西亞作場地，可能同呢度有個大沙漠，等我可以試清楚部車喺Onroad同Offroad嘅表現有關啩！
搭咗接近17個鐘頭飛機，香港傳媒一行人終於嚟到突尼西亞，廠方為迎接我哋嘅來臨，特別派出一部超豪嘅Business嚟接我哋去一間名為THERESIDENCE嘅酒店；酒店設計好Classic，同行行家仲講笑話可以喺度拍番套《北非諜影》㖭！搞咗一輪Checkin，拿拿臨搵地方填飽個肚，最就近同方便就梗係去酒店餐廳啦；呢度啲食品都幾好味，但最抵死都係杯IceTea嘅賣相，睇落話佢似啤酒多過似IceTea，飲落又甜甜哋，都幾OK㗎！
記者、攝影：鄭達基