郭羨妮昨日以公主造型到觀塘apm出席活動，問她今個情人節如何度過，她慨歎說：「我都兩、三年冇拍過拖，情人節都會喺廠拍劇度過。」問到難忘的情人節時，她說：「我18、9歲時喺加拿大讀書，puppylove時都有收過99支玫瑰花，最難忘一次因為落大雪返唔到屋企，留喺圖書館一個人過。」郭羨妮又謂情人節不希望收花，她說：「如果對方想送花畀我，不如將啲錢捐去做善事。」記者笑謂追求她的人要十分富有，她說：「多有多捐，少有少捐。」
寧願平凡
問郭羨妮是否期待公主童話式的愛情，她笑說：「唔使，都係平凡啲，可能因為拍得戲多，有時朝早拍結婚，下午要分手，夜晚仲要去拜山，所以感情唔敢咁夢幻。」
採訪，攝影：GeneNg