古巨基與蔡卓妍（阿Sa）日前於北京拍攝新戲《粉絲王》，負眼傷的基仔要在零下六度低溫下，為女友追星而露宿天橋底，只能以紙皮箱抵擋嚴寒，看來極為悽慘，反觀女主角阿Sa則穿着兩件羽絨禦寒，這種偏心的待遇及為女死的橋段，似乎只有拍戲才看得到。
古巨基、蔡卓妍、鄭嘉穎及許紹雄等日前在北京拍攝葛民輝執導的新片《粉絲王》，基仔與嘉穎同是負傷開工，前者眼傷未癒，嘉穎則仍要包紮右手上陣，不過最辛苦是要抵受當地的寒冷天氣。
達明軟硬開騷無期
劇情講述深愛阿Sa的基仔，為了幫超級fans王女友追星，要在零下六度的嚴寒氣溫下捐入紙皮箱瞓街，但同場的阿Sa卻穿上兩件羽絨禦寒，非常誇張。基仔說：「之前整親隻左眼，啱啱先拆咗紗布，隻眼仲要滴住眼藥水，好彩我個角色戴眼鏡，都可以擋吓風沙，不過零下幾度踎喺街係有啲凍，我又冇準備暖包。」
葛民輝表示今次再做導演做出癮，希望與好拍檔林海峰合作執導一部電影。他說：「佢做導演，我做剪片，剪片可以lock死個導演，好好玩。原先同達明一派話搞個騷，其實都傾好咗，諗住年尾做，入過紙畀紅館，但冇期，遲啲紅館又裝修，唔知幾時有期可以開到騷。」
冧周麗淇「好正常」
方力申日前公開指曾暗戀過周麗淇，周的緋聞男友鄭嘉穎可覺得方力申有品味？他說：「拍戲有呢啲係好正常，同女演員做情侶，要對對手有好感，憎對手又點可以令到觀眾信服？」
此外，古巨基昨日在將軍澳出席《古巨基愛心KUBI福袋義賣情人節影相會》，他表示只送過一次花給女友，當時去買白玫瑰，誰知花舖店主給他白菊花，認真啼笑皆非。問到可會送花給緋聞女友兼助手Lorraine，基仔說：「助手出糧咪得囉。我最怕情人節俾人問點慶祝，又問我幾時搵情人。」
採訪、攝影：曾小嘉、李珮洳
