如果有人膽敢襲擊威風凜凜的警犬，會否被控以襲警罪名呢？網民ovechisak從小心裏便有這個疑問，日前他終於忍不住到網上請教網友，「呢個問題我細細個已經喺度諗，如果有日喺街襲擊隻警犬，算唔算襲警？定係告我虐畜？」
網友ovechisak的疑問考起網民，一時間眾說紛紜，有網民認為襲警犬好大罪，「基本上算呀！唔可以得罪（警犬）的。」但ovechisak的疑問還陸續有來，「如果我用狗糧馴服隻警犬，令牠倒戈相向，咁又算唔算行賄？如果隻警犬想踩我隻腳，而我避開唔合作，咁又算唔算阻差辦公呢？」
會被控以虐畜罪
這些騎呢又刁鑽的問題，由警犬隊訓練及支援高級督察吳國榮解答網民的疑惑最好，吳Sir向本報記者笑稱，「襲擊警犬梗係唔會當襲警啦！法例寫住襲警係話警務人員嘛，警犬又唔係人。」但吳Sir強調，襲擊警犬者隨時會被控以虐畜罪，大家切勿以身試法。
吳Sir又透露，根據警隊紀錄，歷年來只有一宗警犬遇襲案。該頭警犬執勤時被斧頭所傷，至於該名疑犯最後被控何罪，由於年代久遠，已無從稽考。遇襲警犬康復後仍繼續為市民服務直至退役。
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]