對於韋斯咸，我求大俠已經用過黑、𤓓呢啲字眼嚟形容，睇埋佢哋前晚喺護級大戰，因敗家仔希活失機頻頻兼射失12碼，主場不敵屈福特；而尼爾又喺比賽中整傷膝頭韌帶之後，真係唔知再用咩字形容好。大佬，屈福特賽前作客未贏過㗎！韋斯咸未來兩場將對查爾頓同熱刺，其中對查爾頓更加係生死戰，再輸就真係準備定返英冠比賽嘞。