後日就係情人節，加上年近歲晚，好多商業機構都希望利用節日催谷銷售額，好似摩托羅拉咁，就特登趁情人節前，推出近年大賣嘅限量版鏡艷紅色「鬚刨王」，仲搵嚟周迅做模特兒促銷；佢哋港台區大佬、移動器材事務部副總裁盧健生仲落手落腳幫手做宣傳，暫時頂上為促銷「鬚刨王」做男模。
呢部機賣成3280元，係咪貴就見仁見智，但若果女朋友鍾意都冇計啦。
聽聞摩記未來市務促銷策略會分三個方向進行，包括潮流服飾、娛樂、同名人效應；就好似佢哋搵周杰倫及球星碧咸賣廣告一樣，𠵱家就連喺機場SkyPlaza入面，都會見到佢哋嘅廣告。總之就咪放過呢個月嘅銷售「佳節」。