草蜢和Twins昨日出席在小西灣舉行的「香港高飛慶團圓」節目錄影，並合唱了一首賀年歌。蔡一傑被問到有周刊報道他與張耀揚「斷背」的緋聞時，竟然向記者大發脾氣，咆哮道：「你哋已經係作者，仲要問我回應，離晒譜。」到拍照時，蔡一傑又罕有地拒絕兼面黑說：「唔影住啦！」怒氣沖沖地走開。
識張耀揚女友
後來蔡一傑罵道：「做乜要回應，根本係作，仲打嚟問我回應，都黐鬼線，我同張耀揚20幾年好朋友，佢啲女朋友我都識！」蔡一傑又謂前晚有四名彪形大漢駕車跟蹤他，他說：「我啱啱做完演唱會，點知係咪想打劫我？差啲炒車，戴安娜王妃都係咁死咗，我咪報警，後尾差佬話我知佢哋係記者，如果迫到我炒車好安樂咩？」
此外，Twins昨日於馬鞍山舉行簽唱會，請來草蜢任嘉賓，現場有一張像喜宴中嘉賓簽到的簽名板，背面做成結婚證書模樣，十分有趣。
採訪：魯萍