「大家細個有冇亂咁擺嘢入口？最勁擺過啲乜先？」網友中堅近日在二手論壇提出問題後，為求拋磚引玉，隨即說：「我細個（小學）係嘢都食咁滯：食過擦膠、鉛筆芯、紙、鼻屎、眼屎、手指甲……一時間醒唔起咁多，你哋又食過咩先？」
或許是受到中堅「語不驚人死不休」的言論刺激，網友samson更誇張地說：「我擺過人哋嘔出嚟嘅嘢入口，一世都記得，當時係小學五年班聖誕聯歡會。」果然，連中堅也吃驚地問：「唔係吓嘛？下文呢？」momo反而想知道samson吃嘔吐物的原因。
samson於是將這段悲慘的童年經歷和盤托出，「聖誕聯歡會舉行嘅時候，我攞咗啲白汁意粉返個位，然後去咗廁所，返到嚟即刻食嘢，不過發覺隔籬位個同學仔唔見咗，我食咗兩啖，超苦，原來隔籬個同學嘔咗啲嘢落我啲意粉度，不過我事後冇咩事。」