由巨星辭世到地震海嘯皆一一批中，蘇民峰早已被坊間捧成神算，幫客人家居睇風水，又或算買樓宜忌等實屬閒事。不過，蘇師傅投資有眼光，賺個盤滿缽滿，但原來並不是算出來。
今年樓市旺市不旺價
他說：「買樓唔同算命，冇得算，要靠自己眼光。03年買樓，人人都賺，97年就個個都輸。」對於豬年樓市，他拋低風水學說，認為今年樓市會勝於去年，但會出現旺市不旺價局面，皆因近年樓價已累積相當升幅，成交將會活躍，樓價上升動力不大，只會橫行。至於澳門方面，估計交投仍暢旺，但由於太多人炒樓，大部份單位更十室九空，直言「炒唔過」。
蘇師傅曾經表示，現時幫人算命，每日最多5個客，位位盛惠3000元，再加上現時持有的大批收租物業，早已足夠他「慢慢使」兼「印印腳」收山，但他未言退休：「要工作才可平衡生活」。