網上流傳好多前世占卜程式，一般都係輸入出生日期之類，雖然結果得啖笑，但都不失為一個有趣娛樂！最近又喺某論壇發現一個前世占卜，不過今次好特別，只要「一手」準備就可以玩。方法係咁嘅：首先，計算一下你的中文全名的筆畫總數，例如王菲的名字筆畫總數是16畫。然後將你的右手張開，手掌心朝向自己，以大拇指接觸尾指時數第1畫，接觸無名指時數第2畫，接觸中指時數第3畫，接觸食指時數第4畫，而後再回到尾指時數第5畫，依次數落去，數到第16畫時大拇指掂住食指，食指代表你前世係「獸」，中指代表「鬼」，無名指代表「人」，尾指則代表「仙」。玩呢個遊戲時記得等大家數完手指先開估，然後一齊取笑吓嗰啲前世係低等怪獸嘅friend，不過可能包括埋你喎！
文：小雲
網址：3boys2girls.com/viewthread.php?tid=117059&extra=page%3D3&page=1