少爺占將於年三十（周六）29歲生日，他前晚在尖沙嘴北京道麥當勞預祝，Krusty、關智斌及《最緊要正字》主持王貽興都有到賀，但均沒帶禮物。
女友陪慶祝
少爺占謂最想收到的生日禮物是老闆的舊車，他說：「我架車都揸咗三年，想換呀，最想換我老闆嗰啲舊車，但架架都好名貴，我自己冇錢。」
少爺占透露生日會與女友吃飯慶祝，之後到屯門與陳慧琳做倒數騷。問他何時結婚？他說：「𠵱家興生咗仔先結婚㗎，我就冇努力造人呀，睇我咁瘦就知我虛啦，要搵多啲錢先。生日願望係可以搵到個場地再做舞台劇，紅館就嚟裝修，啲期好多人爭呀。」Krusty的阿Jan謂少爺占有財又有勢，送甚麼禮物給他都會變廢物。
採訪、攝影：藍文浩