「隆冬至，臘味香。」年近歲晚，臘味店往往人山人海，但除了一般的臘腸、臘肉和臘鴨外，內地竟然出現臘狗。網友cordia前日更在網上張貼了兩張內地出售臘狗的相片，並聲明「我就唔敢食喇，你哋呢？中國人真係好嘢，背脊向天皆可食不特止，仲要臘埋嚟食=.=」
「嘩，好核突，佢個樣。救命，畀我一定食唔落……」kahoyeah說完，cordia回應稱：「=_=佢個樣係幾咁痛苦呢！我都唔忍心食佢。」ＹaＮ也有同感，「好慘，睇到都覺得好可憐，仲邊敢食？」
TTTTT（豬兜）說：「似老鼠多啲喎，𠵱家大陸都好似唔畀食狗。」披上狼皮嘅羊則指正說：「𠵱家都好似畀喎。」cordia稱：「=_=應該係狗嚟，你睇佢個SIZE？」山本五十六問道：「真㗎？好慘啊，啲人類最好嘅朋友。」viann指出：「他們的樣子很憎恨人類似的。」cordia接着說：「換轉我俾人咁臘法，我都憎啦！」