同「可憐小生」傳緋聞嘅「喊包」，一方面利用佢兩個嘅緋聞博見報，另一方面又私底下同老闆「鼓」強調話自己同可憐小生冇嘢，喊包呢排得閒無事成日借啲意打電話畀鼓，心水清嘅都知佢對老闆別有用心。可能佢以為冧到老闆，公司捧佢會出力啲啦，但佢咁諗就錯晒嘞。
鼓之前都同旗下力捧嘅女藝人傳過吓緋聞，但嗰啲就真係煲水，其實鼓自從同「大眼山」結婚後，已經修心養性，唔去夜蒲之餘，為咗令老婆安心，從來唔會同公司女藝人單獨食飯，所以喊包想冧老細，除咗電話攻勢之外，都冇乜位入到手，而且佢嘅行為已經俾公司啲同事同埋事頭婆大眼山發現咗，如果再唔收斂吓，分分鐘入雪櫃都有份。
Textby關仁