「最鍾意買小王子。前排去巴黎採訪FashionShow，發現喺羅浮宮有間小王子精品專門店。平時喺香港幾乎見親新貨都買，今次就更加係大出血。小王子Product唔係話好罕有，只不過多數都係出俾小朋友，唔實用嘅小朋友餐具等等，我已經儲埋一大箱。今次見到啲Product款多到暈，拖走咗成箱過萬小王子返香港，但仲係覺得未夠皮，下次再去，一定要儲定錢，買埋個差唔多半個人咁高的Figure，返屋企攬到佢實一實。」
記者︰劉昱蘭
攝影︰楊錦文
小王子座枱燈
邊度買︰巴黎
幾多錢︰約$2,100
「呢款燈真係出到小王子好Lonely的感覺，小行星變咗立體燈，比起平面繪畫就更實在，然後剩番一個小王子膠公仔企喺上面，個樣茫茫然咁，硬係覺得佢喺度搵緊玫瑰。我平時一個人喺屋企上網就會開着佢，佢陪我我陪佢，加埋啲淡黃燈光就Warm晒。」
四格漫畫——《想太多的豬之心靈高湯》
邊度買︰PageOne
幾多錢︰$67
「佢喺日本大賣，呢本係第4冊，賣咗超過1,700,000本喇。本書同《小王子》一樣，情節簡單，但如果你諗深一層，搞笑得嚟又會有人生道理喎。最有同感係講工作上競爭嗰一節，贏人難，識得抽身更難。啲豬仔性格鮮明又多蝦碌，唔錯㗎。」
LVOrganizer
邊度買︰巴黎
幾多錢︰約$2,500
「我本身好鍾意LV經典的Monogram皮款，但有時搭埋一啲Product就老成咗少少，不過呢款加咗個簡單公仔圖案，成個感覺180度轉晒，LV都可以好Cutie。呢個公仔係10幾年前LV的廣告代言人，個名叫做Groom，好似小王子咁，線條簡單就已經好靚。」
