無綫明晚播出賀年新劇《迎妻接福》，謝天華、黎耀祥、鍾嘉欣及向海嵐四位主角及其他同劇演員，昨日在尖沙嘴美麗華酒店出席宣傳活動，他們分成兩組大玩胸對胸夾元寶、魚蝦蟹及麻雀對對碰，場面熱鬧，充滿新年氣氛。
「冇理由咁低胸」
昨日全劇演員均穿上古裝，惟獨是向海嵐及黎耀祥穿上婚紗及禮服，非常突出。二人之後更被安排玩胸對胸夾元寶，穿上低胸婚紗的向海嵐頓時成為焦點，擔任司儀的吳家樂即口花花說：「咁睇阿Ann（向海嵐）身材好咗好多。」表現得頗尷尬的向海嵐要不時用利是封遮掩胸部。
向海嵐表示已習慣同劇演員的評頭品足，她說：「呢件婚紗係其中一個造型，佢哋成日攞我身材嚟講笑，不過我都覺得喺呢個時代做背景嘅婚紗冇理由咁低胸。」
至於謝天華與鍾嘉欣玩遊戲期間就被指猴擒，被問到與劇中女演員玩得如此投入，可會擔心引起太太不滿，他說：「老婆日日都鬧啦。話阿Ann身材唔只我一個，佢身材咁突出，唔講佢唔通講陳凱怡咩？」
採訪：卓美娟
攝影：陳順禎
