如果BB仔成日哭個不停，父母要安撫嬰兒十分費神，BB安安靜靜睡覺就最好。有個非一般媽媽卻有不一樣的煩惱，「有咩方法整醒BB？」原來她的寶寶生理時鐘有時差，「日頭就瞓餐死，夜晚就精靈到死，日夜顛倒，點算好？」
Rosa的BB剛滿月，她說BB日間睡得很熟，怎樣也弄不醒，晚上卻非常精神，令她無覺好瞓；綺雅教她與BB打消耗戰，「日頭盡量同佢玩多啲，等佢唔好瞓覺，玩到攰夜晚就會瞓覺。」
ahnav的BB有4個月大，也是日夜顛倒的另類BB，「無辦法，惟有跟佢嘅生活模式，根本唔可以令佢喺早上同下午唔瞓，你整醒佢，佢咪大喊囉，我哋鬥佢唔贏㗎！」
GlobalKitty認為有時要狠心一點，「我會由得佢喊，隔長啲時間先餵奶，佢肚仔餓就冇咁易瞓，咁樣係就係殘忍啲，但冇辦法。」