咖啡連鎖店星巴克（Starbucks）嘅咖啡唔及麥當勞好飲？
美國雜誌《消費者報告》（ConsumerReports）最近進行一項咖啡測試，請來多位受過專業訓練嘅人，試飲麥當勞、星巴克、BurgerKing同埋Dunkin'Donuts這4家大型連鎖店嘅黑咖啡，然後評分。
得出嘅結果，喺麥當勞咖啡擊敗其他對手，包括主打咖啡嘅星巴克奪魁。麥記咖啡被評為「苦味中等，不夠香濃，但整體唔錯」；BurgerKing則被指「睇嚟似咖啡，飲落似滾水」；至於星巴克嘅咖啡就「咖啡味夠勁，但帶焦味同苦味，足以令雙眼無法睜開。」咁究竟網民又點睇呢？
網友buzzinzki喺《MSNBC》質疑：「《消費者報告》同其他雜誌有乜唔同？叫人測試產品味道呢類調查，我覺得似廣告多啲。」eda78a亦附和：「《消費者報告》測試耐用品如汽車或電器之類都仲合理，但搵人試飲咖啡同評級，我就覺得個結果一定唔會中肯，亦冇代表性，始終每個人嘅口味都唔同，好難比較。」
Nothingbutthetruth話：「我就覺得個報告結果幾啱喎，麥記新出嘅咖啡的確幾好味，口感唔錯。我覺得Starbucks應該學吓嘢，多啲創新口味吸引顧客，唔好恃住有班忠實擁躉撐住，就以為可以成世保住市場地位。」
Zontarina就認為自製咖啡最好味，「揀啱口味，自己買咖啡豆磨，夠晒『新鮮』，仲可以享受埋沖調嘅過程。有時忙裏偷閒，上網搵吓咖啡料，更隨時會有新發現㖭！」
表現同股價掛鈎
怪不得喺《MSNBC》舉行一項名為「邊個整嘅咖啡最好飲」網上選舉、有份投票嘅4260人中，接近三成都話自家炮製嘅咖啡冇得頂啦！至於選麥當勞同星巴克嘅，就分別佔22%同18%，結果同《消費者報告》差唔多。
講到股價表現，麥記都贏星巴克成條街！過去一年，麥記股價升咗25.6%，星巴克就跌7.15%。