「諗極都諗唔到買咩送畀女友好。」情人節將至，網友老鬼近日正為選購禮物苦惱，「女友又冇乜嘢嗜好。」戰神亞斯魯認真回應，「有心嘅就DIY整嘢畀佢，人一世物一世，冇可能乜嗜好都無。認真諗吓，再唔係送個花心機嘅禮物囉。當然，貴有貴玩，平有平玩！」
「就嚟成個地球都買」
「預算呢？」有網友問，老鬼：「未知㗎，睇吓值唔值得買啦，平貴冇所謂。」「電話囉！」小牛蛋提議，但老鬼說：「啱啱換咗咋！」跟貼的張良甚麼都沒有說，只貼出一張LV圖片，意思是叫老鬼買個LV手袋送給女友，老鬼看過後，興沖沖地說：「我就嚟成個地球都買晒啦！」
論及購買稱心禮物不容易，Wiseman有同感：「其實我都諗唔到，冇乜錢，想平平哋又要有心意，都幾難。」有網友提佢：「同佢喺香港二人世界，玩一日都得啦，例如坐吓昂坪360！」男網友談了半天，總是說不出送甚麼禮物最好，aseopopo卻興高采烈地宣布已解決禮物問題，「我哋第一次度情人節，我會親手摺520個心心畀佢。」看來，送乜禮物都好因人而異。