本港過去發生不少旅行社倒閉事件，旅遊旺季如暑假、聖誕節和農曆新年都是倒閉高峯期。昨日突然結業的力寶旅遊，有曾光顧該公司的網友在網上大吐苦水，其中totoro_catbus在香港討論區說：「好慘呀！我咪中咗招囉，噚日先畀埋尾數㖭……𠵱家聯絡咗旅遊業議會，佢哋話最多只可以攞番9成，仲要2至3個月先有得取，都唔知最後可以攞番幾多。」
他說：「我哋太遲買Package（套票），咁佢又有機位喎，匆忙下就落咗定囉，都無時間Check吓間嘢啲口碑，之後Check番，先知原來呢間嘢啲信譽唔多好，4個人全數2萬幾呀，總之慘啦！」
網友bearrug也有不愉快經歷：「記得大前年搵佢幫手買機票，結果一拖再拖先話買唔到，仲退唔足錢畀我，之後話過點都唔會幫襯呢間公司。」網友wingwing514氣憤地說：「只怕佢轉個名又開番啫！」
新聞資訊研究組