賭王何鴻燊有幾頭住家，大享齊人之福。講到𠱁老婆𠱁姨太，別以為錢多自然易辦事，其實賭王有苦自己知。前晚他出席英語粵劇籌款晚會，自爆過年過節連食幾餐，經常食到頂上頸，最慘是要扮肚餓𠱁老婆。為自己着想，各位男士都是專一點好！
賭王何鴻燊前晚在三姨太陳婉珍、女兒何超蓮陪同下，到尖沙嘴文化中心獻唱英文歌，為東華三院的「英語粵劇精華慈善晚會」籌款，全晚成功籌得200萬元。
男人三從四得
賭王揀了三姨太最愛聽的《月亮代表我的心》英文版獻唱，之後更滔滔不絕，重複大談「男人三從四德」論，分別是身為丈夫要做到「隨從、順從、盲從」，以及四得：「等得、記得、捨得及𠱁得」，才能令婚姻美滿。
情人節將至，擁有幾頭住家的賭王笑言連走幾場已成習慣，他說：「每逢過年過節都要食幾餐，食到頂上頸呀！不過呢，啲太太好畀心機煲湯你飲，咁上到屋企，都一定要話好肚餓，飲完一碗湯要再添，成雙成對咁飲先得。」
賭王續說：「我呢，就有度好，就係個胃好，鐵都可以消化到，所以齊人之福唔易享㗎！」問他可會挑戰自己，再找多個太太？賭王說：「唔使喇，𠵱家夠咯！」
最愛聽飛輪海
此外，賭王千金何超蓮前晚戴着iPodnano到場，與時下青年無異。她表示愛聽台灣組合飛輪海的歌，問她可是愛飛輪海靚仔？她害羞地說：「佢哋樣樣都幾好。」續問到現時可有拍拖？超蓮就說：「冇呀，冇男仔追，我要讀書，𠵱家讀中四，遲啲去英國讀書。」
採訪、攝影：顏英儀
